مو كلها أصدقاء التمشي وياك

مو كلها أصدقاء التمشي وياك
ثق حتى بأخوتك تلكه عدوان
..
يصح مرات بيك لسانك يكون
وعمر يمكن تخسرك زلة لسان
..
لا تامن درب ما ساحكه جدام
على دروب الامانه تشوف نيشان
..
وليغرك حسن حلوة الفراشات
ولكن بس تكضها تبيع الالوان
..
ولتغرك جبال مناطحه الغيم
لاخير بجبل يطغي على وديان
..
يعجبني البخور يعيش بالموت
يثبت طيبته شما ينطي دخان
..
ويعجبني الجرف لو زاعله الماي
يتفطر صبر ما كال عطشان
..
..
تره خطية الجكارة تضحي بالروح
وعكب ماتحترك نشمرها طغيان
..
الذيابه اهل الغدر سموهم الناس
وعليهم بالغدر ماعندي برهان
..
منو البينه الضحية الماكله الذيب
احنه انسان صاير ياكل انسان
..
ذكية النار عاشت رافعه الراس
تحرك ماتجامل كان من كان
..
وأهي الشي الوحيد الماخسر يوم
لان ما فضلت تمشي ويه صحبان
..
ليش الغيم يفتر ما اله مجان
وخلص رحال عمره وما اله مجان
..
لان يدري الحمم تبدي من الاطراف
ولهذا السبب ماراد جيران
..
تمسكت شكثر بصحاب الي هواي
بكثر تضحيتي الهم هسه ندمان
..
لهات انه وتبينو صحبتي الموس
اثاري انه خسرت والموس ربحان
..
غير الموت كلي شيعزف السيف؟
وجعلت الاله نحري ورايد الحان
..
شتسمع من لحن ياصاحبي شبيك؟
تخيل سيف يعزفله على شريان
..
بعد ماصير حنه اثبت بالجفوف
لان من سوء حضي الحطني فرحان
..
وتخيل كيف يمه وصفكته شلون
وعلي صفكاته كلهن نفس المكان
..
راح من الصخر انحتلي دلال
واجفن كلبي واتعنه على دفان
..
واكله تبدلت كل الموازين
السفينه يصير تمشي بدون قبطان
..
واكله تبدلت كل الموازين
الدليل الناي يحجي وما اله لسان
..
واكله تبدلت كل الموازين
مريم ما طلع والدها عمران
..
واكله العنده غيره الافضل يموت
لان كلش جريمه تغلبه غمان

طرح في قمة الروعة وتسلم اناملك المبدعة
دمت بخير

» آية كريمة جمعت الحروف العربية كلها
» ما مقسوم احبك وابتدي وياك
» .•♥°¤ô_ô¤~لاتبعد عليه واني كلي وياك ¤~ .•♥°
» حبيتك صدك ماعندي غايه وياك
» رادوني ألبس وجه مونفس وجهي وياك