قصيدة بعنوان (وصلولة الحجي)

قصيدة بعنوان (وصلولة الحجي)

للشاعر احمد جناح الكاظمي

وصلوله الحجي يستاهل وعلخير
البلساني يوجع لازم يصدكة
خل يبريني ذمة الخاطر المكسور
اخاف بيوم ناسي وضيكت خلكة
كولولة يمرني حتى لو بطيف
ما اخرة اعلة خلة بساعة الملكة
سواها واجاني بخت عاشك مات
اجاني وعين ذاكـ بركبتة معلكة
ها رديت تدري اصار من اجفيت
كَللب لليلي غير السهر ماتلكة
لاتحسبني راد الفركة تللعب دور
صابر عانس وشايل حركة مطلكة
تتبختر للبست الحلقة ارتاحيت
وبكلمة حبيبي سكتت حلـكـة
غشيم وحتى جلدك يحجي لو عندة للسان
جا كلة اعلة متنك بي طبع شبكة
انا التنشد علية ربات ولد شيوخ
المايع ما مخاوي مخاوي الف تفكة
ما عايش عليك الذلة مو بالثوب
الخريف يعيش لمن تذبل الوركة
طعم مرورة ملحة الخان عشرة وياي
المايستر دمعتي يعتبر خركة
المايسندلي ظهري يصير نصفي شلون
بلا سيف ورمح تستاحش الدركـة
ماريدك ترد بس ردلي غمضت عين
السمـٱ وجفون عيني اتساوت الزركة
بخت شايل بخت شارك ضمير االيل
صوت امي وكفلي وبرد الحركـة